ಹೇರ ಬೆಂಗಳೂರು ನಗರದಲ್ಲಿ ವಾಸಿಸುತ್ತಿರುವ ಹೇರ ನಾಭಿರಾಜ ಜೈನ್ ಅವರು, ತಮ್ಮ ಹೆಸರಿನ ಅರ್ಥಕ್ಕೆ ತಕ್ಕಂತೆ ನಾಭಿಯಂತಿರುವ ಕೇಂದ್ರಬಿಂದು, ಸಮಾಜವನ್ನು ಒಗ್ಗೂಡಿಸುವ ಶಕ್ತಿಯಾಗಿ ಬದುಕನ್ನು ರೂಪಿಸಿಕೊಂಡಿದ್ದಾರೆ.
ಕುಟುಂಬ ಪೈಪೋಟಿ
ಹನ್ನೆರಡು ಸಹೋದರ-ಸಹೋದರಿಯರಲ್ಲಿ ಒಬ್ಬರಾಗಿರುವ ಅವರು – ಪ್ರಭಾವತಿ, ಜಿನರಾಜ ಪೂಂಜ, ಅಮರಾಜಿ, ಅಮ್ಮಾಜಿ, ಸಾಂತಪ್ಪ ಜೈನ್, ಸುಶೀಲ, ಶ್ಯಾಮಲ, ರತ್ನಾಕರ, ಪ್ರಭಾಕರ, ಕಮಲಾ, ಸರೋಜಾ ಮತ್ತು ಜಯರಾಜ – ಎಲ್ಲರೊಂದಿಗೆ ಆತ್ಮೀಯ ಬಾಂಧವ್ಯ ಬೆಳೆಸಿಕೊಂಡಿದ್ದಾರೆ. ಕುಟುಂಬದ ಬಲವೇ ಜೀವನದ ಪ್ರೇರಣೆ ಎಂದು ಸದಾ ಒತ್ತಿ ಹೇಳುತ್ತಾರೆ.
ಶಿಕ್ಷಣ
ಅವರ ವಿದ್ಯಾಭ್ಯಾಸ ಸರಪಾಡಿ ಶಾಲೆಯಲ್ಲಿ ಆರಂಭವಾಗಿ, ಶ್ರವಣಬೆಳಗೊಳ, ನೂಜಿಬಾಳ್ತಿಲ, ಧರ್ಮಸ್ಥಳ ಹೈ ಸ್ಕೂಲ್ ಹಾಗೂ ಉಜಿರೆ ಕಾಲೇಜುಗಳಲ್ಲಿ ಮುಂದುವರಿಯಿತು. ಈ ವಿದ್ಯೆಯೇ ಮುಂದಿನ ಜೀವನಕ್ಕೆ ಗಟ್ಟಿಯಾದ ಆಧಾರವಾಯಿತು. ಪೂಜ್ಯ ಧರ್ಮಸ್ಥಳ ವೀರೇಂದ್ರ ಹೆಗ್ಗಡೆ ಅವರ ಸಾಕಿ–ಪೋಷಣೆ, ಸಲಹೆ–ಮಾರ್ಗದರ್ಶನದಿಂದ ಬೆಳೆದ ನೆನಪುಗಳನ್ನು ಅವರು ಗೌರವದಿಂದ ನೆನೆಯುತ್ತಾರೆ. ಕಾಲಕಾಲಕ್ಕೆ ಹೆಗ್ಗಡೆ ಸ್ವತಃ ಮನಿ ಆರ್ಡರ್ ಮೂಲಕ ನೆರವು ಕಳುಹಿಸಿದ ಘಟನೆಗಳನ್ನು ಅವರು ಮರೆಯದೆ ಹೇಳಿಕೊಳ್ಳುತ್ತಾರೆ.
ವೃತ್ತಿ ಜೀವನ
ಹೈ ಸ್ಕೂಲ್ ಶಿಕ್ಷಕರಾಗಿ ವೃತ್ತಿ ಪ್ರಾರಂಭಿಸಿದ ಅವರು, ಬಳಿಕ ಬೆಂಗಳೂರಿನಲ್ಲಿ ಉದ್ಯಮ ಕ್ಷೇತ್ರಕ್ಕೆ ಕಾಲಿಟ್ಟರು. ಪರಿಶ್ರಮ, ದೃಢನಿಶ್ಚಯ ಮತ್ತು ಪ್ರಾಮಾಣಿಕತೆ ಎಂಬ ಮೌಲ್ಯಗಳಿಂದ ಉದ್ಯಮದಲ್ಲಿ ಶ್ರೇಷ್ಟತೆ ಸಾಧಿಸಿದರು.
ಸಾಮಾಜಿಕ ಹಾಗೂ ರಾಜಕೀಯ ಸಂಬಂಧಗಳು
ಅವರ ಜೀವನದಲ್ಲಿ ಹಲವು ರಾಜಕೀಯ ದುರೀಣರೊಂದಿಗೆ ಆಪ್ತ ಸಂಬಂಧವಿದೆ. ಸನ್ಮಾನ್ಯ ಜೀವರಾಜ ಆಳ್ವರಿಂದ ಬದುಕಿನ ಹಾದಿ ಬೆಳಕಿನತ್ತ ತಿರುಗಿತು. ಮಾಜಿ ಪ್ರಧಾನ ಮಂತ್ರಿ ದೇವೇಗೌಡ ಅವರ ಸಹಕಾರದಿಂದ ಪೆಟ್ರೋಲ್ ಪಂಪ್ ಆರಂಭಿಸಿ ಜೀವನಕ್ಕೆ ಅಡಿಪಾಯ ಹಾಕಿದರು. ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಂದ ಜೈನ ಬಸದಿಯ ಅರ್ಚಕರು ಹಾಗೂ ಸಹಾಯಕರಿಗೆ ಗೌರವಧನ ಒದಗುವಂತೆ ಮಾಡಿದ ಸಾಧನೆ ಅವರ ಮನದಾಳದ ಬೇಡಿಕೆಯಾಗಿತ್ತು. ಇತರ ರಾಜಕೀಯ ಮುಖಂಡರ ಜೊತೆಗೆ ಧರ್ಮಸ್ಥಳದ ಹೆಗ್ಗಡೆ ಕುಟುಂಬದೊಂದಿಗೆ ಹೃದಯಸಂಬಂಧ ಬೆಳೆಸಿಕೊಂಡರು. ಮಠಾಧಿಪತಿಗಳು, ಸ್ವಾಮಿಗಳು ಹಾಗೂ ಸಾಮಾನ್ಯ ಜನರೆಲ್ಲರೊಂದಿಗೆ ಸಹ ಗೌರವದಿಂದ ವರ್ತಿಸಿ ಸಮಾಜದ ಪ್ರೀತಿ ಗಳಿಸಿದ್ದಾರೆ.
ಅವರು ಅಪ್ರತಿಮ ಕ್ರೀಡಾಪಟುವಾಗಿದ್ದು, ದಸರಾ ಪ್ರಯುಕ್ತ ನಡೆದ ರಜ್ಜಮಟ್ಟದ ಆಟೋಟದಲ್ಲಿ ಎತ್ತರ ಜಿಗಿತದಲ್ಲಿ ಪ್ರಥಮ ಸ್ಥಾನ ಪಡೆದ ಅನುಭವವಿದೆ.
ಸಾರ್ವಜನಿಕ ಸೇವೆ
ಬೆಂಗಳೂರು ಮಹಾನಗರ ಸಾರಿಗೆ ಮಾಜಿ ಅಧ್ಯಕ್ಷರಾಗಿದ್ದ ಅವರು ನಗರದ ಅಭಿವೃದ್ಧಿಗೆ ತಮ್ಮದೇ ಆದ ಕೊಡುಗೆ ನೀಡಿದ್ದಾರೆ.
- ಪುತ್ತೂರಿನಿಂದ ತಿರುಪತಿ ಉಚಿತ ಯಾತ್ರೆಯನ್ನು ನಡೆಸಿ ಭಕ್ತರಲ್ಲಿ ಧಾರ್ಮಿಕ ಪ್ರಜ್ಞೆ ಮೂಡಿಸಿದರು.
- ಶ್ರೀ ದುರ್ಗಾಪರಮೇಶ್ವರಿ ದೇವಾಲಯದ ಬ್ರಹ್ಮಕಳಸ ಸಂದರ್ಭದಲ್ಲಿ ಉಚಿತ ಅನ್ನದಾನ ವ್ಯವಸ್ಥೆ ಮಾಡಿದ್ದರು
ಗುಂಡ್ಯ ಹೊಳೆಗೆ – ಉದನೆ ನೇರ್ಲ ಪ್ರದೇಶದಲ್ಲಿ ಸೇತುವೆ ನಿರ್ಮಾಣಕ್ಕೆ ಕಾರಣರಾದರು.
- ಇಜಿಲಂಪಾಡಿ ಅನಂತನಾಥ ಸ್ವಾಮಿ ಬಸದಿಯ 1995 ಮತ್ತು 2024ರ ಜೀರ್ಣೋದ್ದಾರ ಹಾಗೂ ಧಾಮ ಸಂಪ್ರೋಕ್ಷಣದಲ್ಲಿ ಸಕ್ರಿಯ ಪಾತ್ರವಹಿಸಿದರು.
ಜೈನ ಸಮಾಜದ ಸೇವೆ
ಜೈನ ಬಸದಿಗಳ ಅರ್ಚಕರಿಗೆ ಗೌರವಧನ ದೊರಕುವಂತೆ ಮಾಡಿದ ಸಾಧನೆ, ಜೈನ ಸಮಾಜದ ಏಕತೆಗಾಗಿ ಅವರ ಶ್ರಮವನ್ನು ತೋರಿಸುತ್ತದೆ. ಶ್ರೀ ಇಜಿಲಂಪಾಡಿ ಅನಂತನಾಥ ಸ್ವಾಮಿ ಬಸದಿ ಪದ್ಮಾವತಿ ದೇವಿಗೆ ಕರಿಮಣಿ ಸರವನ್ನು ಅರ್ಪಿಸುವ ಸಂಕಲ್ಪ ಸಮಾಜದಲ್ಲಿ ಇದ್ದ ಭಿನ್ನಾಭಿಪ್ರಾಯಗಳನ್ನು ನೀಗಿಸಿ ಒಗ್ಗಟ್ಟಿನ ಸಂದೇಶ
ಕುಟುಂಬ
ಅವರ ಜೀವನಸಹಚರಿ ಜಯಲಲಿತಾ. ಮಗ ವಿಕ್ರಾಂತ್ (ಪತ್ನಿ ನಮೃತಾ), ಮಗಳು ಪದ್ಮಪ್ರಿಯಾ (ಪತಿ ರೋಹನ್ ಪಡಿವಾಳ) – ಇವರೊಂದಿಗೆ ಸೌಹಾರ್ದಯುತ ಕುಟುಂಬ ಜೀವನ ನಡೆಸುತ್ತಿದ್ದಾರೆ.
ಗಗನ ಕುಸಮವಾದ ನೇರ್ಲ ಸೇತುವೆ ನಿರ್ಮಾಣ
ಗಗನ ಕುಸಮವಾದ ನೇರ್ಲ ಸೇತುವೆ ನಿರ್ಮಾಣವು ನಾಭಿರಾಜರ ಹೋರಾಟದ ಫಲ . ಕಡಬ ತಾಲೂಕಿನ ಸುಮಾರು ೫೦ಕ್ಕೂ ಹೆಚ್ಚು ಗ್ರಾಮಗಳು ದೀರ್ಘಕಾಲ ಸಂಪರ್ಕವಿಲ್ಲದೆ ಸಂಕಷ್ಟದಲ್ಲಿದ್ದಾಗ, ಅವರು ಧೈರ್ಯವಾಗಿ ಮುಂದಾಗಿದ್ದರು. ಆಗಿನ ಮುಖ್ಯಮಂತ್ರಿ ದೇವೇಗೌಡ ಹಾಗೂ ಸಿದ್ದರಾಮಯ್ಯರನ್ನು ಹೆಲಿಕ್ಯಾಪ್ಟರ್ ಮೂಲಕ ಸ್ಥಳ ಸರ್ವೇಗೆ ಕರೆದುಕೊಂಡು ಹೋಗಿ ನೀಲಿ ನಕ್ಷೆ ತಯಾರಿಸಿದರು. “ಈ ಸೇತುವೆ ಆಗಲೇಬೇಕು” ಎಂಬ ದೃಢಸಂಕಲ್ಪದಿಂದ ಹೋರಾಡಿ, ಕೊನೆಗೂ ಸೇತುವೆ ನಿರ್ಮಾಣಕ್ಕೆ ಕಾರಣರಾದರು. ಇಚ್ಲಂಪಾಡಿ ಬೀಡು, ಉದ್ಯಪ್ಪ ಅರಸು ಕ್ಷೇತ್ರ, ರೆಂಜಿಲಾಡಿ ಬೀಡು, ನೂಜಿಗುತ್ತು ಉಳ್ಳಲ್ತಿ ಕ್ಷೇತ್ರ ಸೇರಿದಂತೆ ಅನೇಕ ದೇವಾಲಯಗಳು ಒಂದಕ್ಕೊಂದು ಸಂಪರ್ಕಗೊಂಡವು. ಈ ಸೇತುವೆ ಆ ಭಾಗದ ಸಮಗ್ರ ಅಭಿವೃದ್ಧಿಗೆ ಜೀವನಾಡಿಯಾಯಿತು. ಜನರಿಗೆ ಇದು ಮಹಾಕೊಡುಗೆ, ಆದರೆ ನಾಭಿರಾಜರಿಗೆ ತನ್ನ ಊರಿಗೆ ತಾನು ಮಡಿದ ಕರ್ತವ್ಯದ ತೃಪ್ತಿ ಜೊತೆಗೆ ಇನ್ನು ಏನನ್ನಾದರೂ ಮಾಡಬೇಕೆಂಬ ಹಂಬಲ ಸದಾ ವ್ಯಕ್ತಪಡಿಸುತಾರೆ
. ಈ ಕೆಲಸವನ್ನು ಪೂಜ್ಜನಿಯ ಧರ್ಮಸ್ಥಳ ರತ್ನಮ್ಮ ಹೆಗ್ಗಡೆಯವರೆ ಪ್ರಶಂಸೆ ವ್ಯಕ್ತ ಪಡಿಸಿದ್ದರು
ಉಪಸಂಹಾರ
ಶಿಕ್ಷಣದಿಂದ ಆರಂಭಿಸಿ ವೃತ್ತಿ, ಧಾರ್ಮಿಕ ಸೇವೆ, ಸಾಮಾಜಿಕ ಕಾರ್ಯ, ರಾಜಕೀಯ ಸ್ನೇಹ ಹಾಗೂ ಸಮಾಜ ಒಗ್ಗಟ್ಟಿನ ಮಾರ್ಗದಲ್ಲಿ ಸಾಗಿದ ಹೇರ ನಾಭಿರಾಜ ಜೈನ್ ಅವರ ಜೀವನ ಪಯಣ ಅಮೂಲ್ಯವಾಗಿದೆ. ಜೈನ ಸಮಾಜದ ಏಕತೆ, ದೇವಾಲಯಗಳ ಅಭಿವೃದ್ಧಿ ಹಾಗೂ ಮಾನವೀಯ ಮೌಲ್ಯಗಳ ಪರಿಪೋಷಣೆಗೆ ತಮ್ಮನ್ನು ಮೀಸಲಿಟ್ಟಿದ್ದಾರೆ.
ಅವರ ಹಾದಿ ಮುಂದಿನ ಪೀಳಿಗೆಗೆ ಪ್ರೇರಣೆಯಾಗಲಿ ಎಂಬುದು ಸಮಾಜದ ಹಾರೈಕೆ.
(ಸೂಕ್ತ ಬದಲಾವಣೆಗೆ ಸದಾ ಅವಕಾಶವಿದೆ )
